Munnamawulire Wa CBS e Ssembabule Attiddwa, Omulambo Gusangiddwa mu Ddwaliro e Rubaga
Walabiseewo okutya mukitongole ekyamawulire oluvanyuma lw’omusasi wa mawulire ku CBS Radio okusinziira mubitundu bye Ssembabula amanyiddwa nga Jimmy Ssekabiito nga kigambibwa okuba nti ono yawambiddwa n’oluvanyuma nattibwa era omulambo gwe gusangiddwa mu ddwaliro e Rubaga.
okusinziira kumusunsuzi w’amawulire ku leediyo eya cbs Alex Nsubuga kumawulire age saawa bbiri ezokumakya, agamba nti ebituufu ebikwata kunfa ya mukozi munnabwe bibadde tebitegerekeka waddenga kigambibwa nti waliwo owa bodaboda eyamututte mu ddwaliro.
wetukoledde eggulire lino nga poliisi tenavaayo kutubulira kituufu ekyaviriddeko okufa kwa Ssekabiito.
embeera eno ejjide mukiseera ekyakasambattuko mubitundu ebye Ssembabule nga eby’obufuzi bikutte wansi newaggulu nga nolunaku lweggulo wabaddewo okukuba amasasi eri abawagizi b’omubaka we Lwemiyaga era nga akyegwanyiza ekifo ekyo Theoodore Ssekikubo okukakkana nga waliwo afudde nabalala nebabuuka nebisago. okusinziira kumubaka Ssekikubo, omugenzi yategeerekese nga Alex Ssembuusi
Embiranye eyamaanyi mu Ssembabule esinga kuba wakati wa Theodore Sekikubo n’emunnamagye eyaganyuka RTD Brig. Gen. Emmanuel Rwanshande abegwanyiza ekifo kyomubaka wa palamenti mu disitulikiti ye Ssembabula, nga obukuubagano bwabano ababiri butadde obulamu bwabanna Ssembabule mumatigga.
Omubaka wa pulezidenti mu disitulikiti ye Ssembabule Jane Francis Kagayi ategezezza nga bwebagenda okuyita olukiiko lw’ebyokwerinda okulaba engeri yokujjayo okulwanagana n’okutebenkeza enkambi zombi.
