Salim Saleh ‘y’eyatuga’ Bobi Wine.- By Sir Simon Muyanga Lutaaya
Bannauganda abagoberera ebyobufuzi bakyemulugunya nga bagamba nti akalulu k’ubwa pulezidenti ak’omulundi guno kakyaganye akufuna ebbugumu.
Engombo za “…agenda…agenda” mala kazende bboyi… Entebbe muntebe zikyaganye. Ebigambo ebyesimba okuva mubesimbyewo bikyabuze.
Naye nalabula kumukutu guno nga September 10,2024 nti banna byabufuzi balina okwetegeka nokukyusa obufu ku kalulu kano. Era nembategeza nti omulundi guno atasobola kwogera byanfuna anaba awedde. Kuba entekateeka za Museveni ez’ebyenfuna emyooga,PDM, Operation Wealth Creation ekulibya General Salim Saleh zaali zitandise okunyikkira mubantu naddala ab’ebyalo.Abantu bagala kumanya wali sente,emikisa, obugagga.
Bino General Salim Saleh byasiibako e Gulu n’abakuggu mu byenfuna era nange wenafunira omukisa okubisomako ennaku 3, nemanyira ddala nti M7 avudde kuby’obufuzi,mugumu kuby’okwerinda, olutalo kati lw’abyanfuna.
Era campaign eno etambulidde kubyanfuna,Museveni na mannya g’aba muvuganya tagogerako,alaga obutambi,amaloboozi n’ebifananyi byabagayudddwa mu PDM,OWC,emyooga mu bitundu eyo yenyini gyabeera alaze.
Kino nno kitadde bavuganya nabo mukattu kuba sibyebagala.Batera okuwoza nti oyo “photoshop”naye embuzi ,ente,embizi,amagi,enkoko,ennimiro biragibwa nabantu gyebali,byebakoze nebivuddemu.
Nandala Mafabi owa FDC agamba PDM agitwala kubyalo bwawangula ko Robert Kyagulanyi nti njijawo!!
Kyagulanyi yeyatabudde ensonga ngalaga tamanyi namuwendo gwa bakafuna PDM n’abalindiridde.Salim Saleh bwebwongo obuzitoyeza campaign eno.
Buli atuula naye edakiika emu akusomesa PDM, OWC & yerabira okubisomesa Bobi Wine ate nga Bobi agamba nti baali banywanyi nyo.Lwaki yamukotogera atuuke okuvuya muby’enfuna?
Salim Saleh bwebwongo obuzitoyeza kampeyini eno.Museveni ayogeza bwino ow’ebigambo,ebifananyi, obutambi,amaloboozi. Banne ng’ojeeko Nandala Mafabi ebintu bibazitoyeko. Anti ebyobufuzi oyogera kyoyagala naye mubyenfuna obujulizi butekwa okubawo.
Era buli M7 gyalaga basooka kusoma muwendo gwansimbi ezi bawereeddwa. Bino biyisibwa mu palamenti eri ababaka ba opposition nebisindikibwa mubyaalo NUP gyelina ba kansala era nabo bafuna ku PDM.Muntendeka ya OWC buli kitundu kyekutte kyekisobola okukola.
Kampeeyini ezitoyye,Museveni alaze nti akyali mulamu era mukozi,essira alitadde kubuli omu kufuna sente,mulimu, mukisa,bugagga.Muno mulimu omukono gwa Salim Saleh era namusanga omwaka oguwedde nga atekateeka.Naye lwaki teyasomesa kumunwanyi we Robert Kyagulanyi ebyenfuna? Yamukotogera oba omuyizi munafu?…..
